Presidentja federale zvicerane, Simonetta Sommaruga, të enjten (sot) i mbush 60 vjet. Në të vërtetë, këtë ditëlindje ajo ka dashur ta festojë me bashkëmoshatarët e saj në Zvicër. Por, atni kjo nuk është e mundur, shkruajnë mediat zvicerane.
Në muajin shkurt, presidentja Sommaruga kishte njoftuar se këtë dtëlindje do ta festonte me bashkëmoshatarët e saj, informon Shtegu.com. Në shërbimin e mesazheve të shkurtra Twitter, ajo kishte shkruar: „Me dëshirë po e pres regjistrimin tuaj për festën time të ditëlindjes“. Bashkangjitur ka qenë një kartë ftese me një foto të politikanes si vajzë e re.
Parakusht ka qenë që të ftuarit të kenë ditëlindjen në të njëjtën ditë si Sommaruga dhe të ishin të së njëjtës moshë. Mirëpo, koronavirusi tani ia ka shkatërruar festën e ditëlindjes.
