Këshilltarja kombëtare zvicerane e SVP-së, Sandra Sollberger ka bërë thirrje për testime të shpejta të koronavirusit për të kthyerit nga Kosova dhe vendet e tjera pas pushimeve. Ata tani po mbrohen
Shumë sekondos kanë udhëtuar në vendlindjet e tyre gjatë pushimeve. Në veçanti e gatshme për të udhëtuar ka qenë diaspora e madhe kosovare. Të paktën kështu tregojnë aterrimet e avionëve nga Prishtina.
Vetëm më 2 janar, gati 50 aeroplanë nga kryeqyteti kosovar aterruan në Aeroportin e Bazelit; më 3 Janar ishin 25 avionë. Ditëve të fundit, dhjetëra avionë nga Prishtina kanë prekur pistën në Aeroportin e Cyrihut.
Meqenëse Kosova nuk është në listën e karantinës, mijëra të kthyer nga Prishtina dhe qytete të tjera lejohen të punojnë nëpër vendet e tyre të punës dhe të takohen përsëri me miqtë. Kjo i ka shqetësuar disa, siç është Sandra Sollberger. Këshilltarja kombëtare e SVP-së kërkon teste të menjëhershme të shpejta për të kthyerit, informon Shtegu.com.
„Njerëzit kthehen nga festimet e tyre familjare nga një vend që ka nivele shumë të larta të infeksioneve nga koronavirusi“, shpjegon kërkesëne e saj politikanja e Bazelit. Qeveria federale po shkon në „një rrezik të lartë ekstrem dhe absolutisht të pakuptueshëm“, ka bërë thirrje ajo.
Për këtë është prononcuar edhe politikani i ri shqiptar, Blerim Bunjaku: „Ne jetojmë në një shtet social demokratik“, thotë sipërmarrësi zvicerano-kosovar, me kërkesë të Nau.ch. „Kërkesa për t’i nënshtruar të gjithë të kthyerit nga Kosova në një testim kategorik, për mua është vetëm një propagandë tjetër zgjedhore e SVP-së dhe asgjë tjetër“.
Blerimi personalisht nuk udhëtoi në Kosovë gjatë Krishtlindjeve dhe Vitit të Ri. Por ai njeh shumë që „për fat të keq“ e kanë bërë këtë. „Edhe vet shoqëria kosovare nuk ishte shumë e lumtur për vizitat e shumta gjatë Krishtlindjeve dhe Vitit të Ri“. Popullata i kaloi pushimet në rrethet e ngushta familjare.
Numri zyrtar i njerëzve të infektuar me koronavirus është dukshëm më i ulët në Kosovë, sesa ai në Zvicër. Megjithatë, mbetet e paqartë se sa të besueshme janë në të vërtetë këto shifra. „Një problem i madh me pandeminë në Kosovë është se njerëzit po e fshehin sëmundjen e tyre“, kishte deklaruar gjatë vjeshtës për „Deutsche Welle“, mjeku Ilir Arifi nga Bavaria.
Për arsye biznesi, personalisht Blerimi udhëton shpesh në Kosovë (hera e fundit në tetor 2020) dhe ai njeh shumë politikanë. Prandaj ai mund të hedhë poshtë argumentin e shifrave jo të besueshme. „Për shkak të situatës së dobët ekonomike dhe mjekësore“, shoqëria në Kosovë po merret me koronavirusin shumë më me kijdes dhe më e brengosur se sa në shumë vende të tjera europiane.
Njerëzit po u përmbahen masave të zbatueshme. Për shembull, ekziston një kërkesë e përgjithshme për të mbajtur maskë jashtë ose në makinë, për më shumë se një pasagjer. Përndryshe ekziston rreziku i gjobitjes prej 500 eurosh.
Përveç kësaj, para se të hyjnë nëpër qendrat tregtare vizitorët ekzaminohen për ethe dhe simptoma . „Që nga fillimi Kosova kishte masa shumë të rrepta dhe ishte një model për shumë vende europiane“, ka përfunduar tha Blerim Bunjaku.