Parlamenti i qytetit ka zgjatur kontratën për të drejtat e ndërtimit me Xhaminë Mahmud në Riesbach. Por janë shkaktuar mospërputhje
Parlamenti i qytetit të Cyrihut u takua për herë të parë të mërkurën, në sallën 9 në Oerlikon. Edhe Këshilli Kantonal gjithashtu për një vit do t`i mbajë këtu mbledhjet e tij.
Ishte një premierë në egzilin e ri të koronavirusit: Këshilli i qytetit të Cyrihut u takua për herë të parë të mërkurën në mbrëmje, në sallën 9 në Oerlikon – ku deri rreth dy vjet më parë ishin strehuar azilkërkuesit.
Para kësaj, Parlamenti ishte takuar në Sallën 7 sepse nuk kanë mundur të zbatohen masat mbrojtëse të koronavirusit në bashkinë e qytetit në Limmatquai. Por për shkak se përdoruesve të tjerë Messe Zürich mund t`ua jepte me qira këtë sallë në çdo kohë, parlamentet e qytetit dhe kantonit tani për të paktën një vit janë zhvendosur në sallën 9.
Xhamia ka qëndruar që nga viti 1963
Nga ana tjetër, në qendër të debatit të Këshillit ishte një ndërtesë nga viti 1963: Xhamia Mahmud në rrugën Forchstrasse në Riesbach. Me 102 kundër 15 votave, parlamenti miratoi zgjatjen e së drejtës së ndërtimit me Shoqatën Ahmadiyya Muslim Jamaat Schweiz (AMJ) për 30 vjet të tjera, me një mundësi zgjatjeje për 15 vjet. Interesi i qirasë së ndërtesës është 28 400 franga në vit.
Ahmadiyya Muslim Jamaat është një komunitet i reformës islamike që u themelua në Indi në fund të shekullit XIX dhe tani përfaqësohet në më shumë se 200 vende. Për ndryshim nga myslimanët ortodoksë, anëtarët besojnë se tashmë është shfaqur reformatori dhe mesia i pritur nga të gjithë myslimanët. Për shkak të këtij ndryshimi fetar, bashkësia e reformave nuk njihet nga pjesa tjetër e botës islamike.
Sipas deklaratave të veta, shoqata përfaqëson integrimin, bamirësinë dhe tolerancën. Fanatizmi, dhuna dhe terrori refuzohen kategorikisht në emër të fesë dhe mbështetet një ndarje e rreptë e shtetit nga feja.
Xhamia Mahmud është një nga katër në Zvicër dhe e vetmja ndërtesë e kultit islamik, me një minare në qytetin e Cyrihut.
Këshilli i Qytetit: «Në interes të publikut»
Për këshillin e qytetit, ekzistenca e vazhdueshme e xhamisë Mahmud është „në interesin publik të qytetit“, siç shkruajti në një kërkesë për zgjatjen e lejes së ndërtimit. Në të ai vlerësoi „hapjen e xhamisë, ankorimin e mirë në lagje dhe përpjekjet integruese“. Këshilltari i qytetit Daniel Leupi (Të gjelbrit), të mërkurën i bëri thirrje këshillit: „Me zgjatjen e lejes së ndërtimit po jepni një shembull për kozmopolitizmin dhe tolerancën në qytetin e Cyrihut“. Ligji për ndërtim për dekada kishte funksionuar në mënyrë të përsosur.
Kundërshtimet erdhën nga Partia SVP. Interesi i qirasë së ndërtesës është shumë i ulët, kritikoi zëdhënësi Martin Götzl. Me çmimin e ri të ligjit të ndërtimit prej 28 400 frangash, do të paguhet vetëm një pjesë e asaj që do të tregtohet në këtë vend. „Kjo do të thotë që qyteti i Cyrihut e subvencionon këtë komunitet fetar me shumë para taksash“.
Shoqata AMJ mund ta bartë shumë lehtë vetë financimin, pa paguar taksapaguesit e qytetit të Cyrihut. Financiarisht shoqata është e fuqishme. Subvencionet gjithashtu mund të zgjojnë dëshira të mëtejshme. Nëse qyteti i jep këto të drejta ndërtimi të besimtarëve islamë me kushte kaq të favorshme, besimtarë të komuniteteve të tjera shpejt mund të bëjnë pretendime të ngjashme.
SVP gjithashtu akuzoi këshillin e qytetit për keqpërdorimin e termit „interes publik“. Ka edhe banorë, për shembull në Seebach, të cilët ndjehen të shqetësuar nga dhomat e lutjeve të komuniteteve fetare myslimane, sepse tërheqin një numër të madh personash nga jashtë kantonit.
Por me këto rezerva, SVP humbi, pasi të gjithë grupet e tjera e mbështetën propozimin. Isabel Garcia (GLP) tha se ishte „e natyrshme“ që të zgjatet leja e ndërtimit. Asnjëherë nuk ka pasur probleme me këtë xhami, duhet të ruhet një vend i tillë takimi.
Zëdhënësi shqiptar i FDP-së, Perparim Avdili e gjykoi marrësin e të drejtave të ndërtimit, si dikush që me çdo kusht po kërkon dialogun ndërfetar. Me punën e saj, shoqata ndihmon në parandalimin e ekstremizmit.
Partia Ungjillore Popullore gjithashtu e miratoi zgjatjen e lejes së ndërtimit. „Me bindje“, siç tha Ernst Danner. Komuniteti fetar përfaqëson një islam që në asnjë mënyrë nuk ndërhyn në rendin publik të Zvicrës. „Në vendin tonë ekziston një liri fetare, xhamia ka vendin e saj në Cyrih“, përfundoi Danner.