22:00:42 2017-01-17
Në autostradën zvicerane A1 në afërsi të Oensingenit SO, policia zvicerane ka ndaluar një autobus udhëtarësh nga Polonia, pasi ka qenë duke qarkulluar me një tonelatë dëborë mbi kulm. Me këtë rast, vozitësi është dashur ta pastrojë dëborën me trashësi prej 30 cm, thuhet në një komunikatë të policisë, njofton „Shtegu.com“. Përpos kësaj, vozitësi edhe është denoncuar.
Vozitësit e autobusëve, të kamionëve dhe të automjeteve të tjera të rënda, duhet ta pastrojnë dëborën dhe akullin nga kulmi, këshillon policia. Përndryshe, ekziston rreziku që gjatë vozitjes, sasia e dëborës apo akullit të bie në rrugë, që shkakton rrezik për pjesëmarrësit e tjerë në kounikacion, por edhe mund të jetë vdekjeprurëse për të tjerët.