Policia federale zvicerane FEDPOL fillon hetimet ndaj Ambasadës së Eritresë

Policia federale zvicerane Fedpol, ka filluar hetimet ndaj Ambasadës së Eritresë në Zvicër. Këtë e ka konfirmuar zëdhënësjja e Fedpol, në një emision të Televizionit shtetëror zviceran SRF. Shkaku i hetimeve janë informatat e eritreasve që jetojnë në Zvicër, sipas të cilëve, ata janë të detyruar t`i paguajnë shtetit të tyre tatim. Regjimi i Eritresë është duke u përpjekur që nga shtetasit e tij që jetojnë jashtë vendit, të marrë të ashtuquajturin „tatimi i diasporës“. Ky tatim kap vlerën e dy përqindëshit të të ardhurave, dëshmojnë të dëmtuarit. Opozita e Eritresë dyshon se këto të holla shkojnë në xhepat e funskionarëve.