Ja kush janë fajtorët e emigrimit të kosovarëve në Gjermani !

Gjermania në Kosovë llogaritet si shteti i ëndrrave. Legalisht apo ilegalisht, shumica e të rinjve kosovarë kërkojnë një të ardhme më të ndritshme. Sipas një vizite që i është bërë Prishtinës, fajtorë kryesorë për këtë janë Televizioni RTL II dhe seriali „Die Geissens“.

Si duket, epoka e „Shacit“ në Kosovë, shtetit më të ri në Europë, është në përfundim e sipër, shkruan „Handelsblatt.com“, transmeton „Shtegu.com“. „Shaci“ kosovarët e përdorin këtë shprehje për bashkëkombasit e tyre emigrantë, si përzierje e zilisë dhe admirimit. Gjatë verës, shumica e migrantëve kthehen për pushime në vendlindje, zakonisht me vetura luksoze gjermane të shkallës së mesme, por edhe asaj të lartë. Mercedes, Audi, BMë janë simbolet e statusit të migrantëve të suksesshëm.

Fjala „Gjermani“ është gjithnjë e pranishme në kokat e ish azilkërkuesve dhe refugjatëve potencialë. Pasqyra e migrantëve nuk është e rrëfyer vetëm nga dëshmitë fantastike të të kthyerve, por para së gjithash nga televizionet gjermane RTL, Sat 1, RTL II, ARD dhe ZDF, frekunecat e të cilave mund të shikohen jo vetëm në Prishtinë, por edhe në tërë shtetin kosovar. Serialet para mbrëmjes dhe filmat aksionarë për personat e bukur e të pasur, në shtëpitë e tyre të pasura dhe udhëtimet përreth rruzullit tokësor, vetëm sa ua shtojnë edhe më tepër oreksin. Psh, „Die Geissens“, një dokumentar për familjen milonere të cilin e emeton Televizioni RTL II, në Kosovë pothuajse të gjithë i njohin.

Serialet gjermane nuk janë të sinkronizuara, kështuqë nuk është befasi që shumica e kosovarëve përmes kësaj e kuptojnë gjermanishten, bile disa edhe flasin ngapak. Kjo është një përparësi e madhe, po të synohet ilegalisht Perëndimi.