Një grua zvicerane është grabitur nga një mik në Kosovë
Zviceranja F. është grabitur gjatë pushimeve të saj në Kosovë. Autori: Miku i saj kosovar. Por nuk zgjati shumë dhe viktimës iu kthyen gjësendet e vjedhura. Në këtë rast ka ndihmuar një oficer policie nga Kosova, i cili e ndihmoi gruan e dëshpëruar në nevojë dhe i mundësoi të qëndronte në shtëpinë e tij.
Zviceranja F. përjetoi tmerr të vërtetë në Kosovë. Ajo u grabit nga miku i saj kosovar në qytetin e Suharekës dhe e la në këmbë në mes të rrugës zviceranene, shkruan portali kosovar i lajmeve „Suharekaonline“.
Me këtë rast, hajni që është nga qyteti i Vushtrrisë, të martën pasdite zviceranes F. i kishte marr një Samsung S8 dhe iPhone 8 si dhe 3,000 franga zvicerane dhe pasaportën e saj. Pastaj ai ishte arratisur me BMW-në e tij të hirtë dhe la gruan e dëshpëruar zvicerane midis rrugës.
Sipas gazetësnë fjalë, gruaja ishte marr vesh më parë të takohej me të. Megjithatë, kosovari nuk dukej se kishte qëllime romantike. Në vend të kësaj, ai u shfaq me një person tjetër në vendin e takimit dhe e plaçkiti zviceranen F..
Gruaja e frikësuar më pas shkoi në komisariat të policisë, shkruan “Blick”, transmeton „Shtegu.com“. Aty ajo e përshkroi gjendjen e saj te oficeri i policisë Blerim Kuqi. Për shkak se ajo nuk ka ditur se ku të shkojë pa dokumente dhe para, polici i ofroi strehim në shtëpinë e tij.
Përderisa zviceranja gjeti strehim te Blerimi dhe familja e tij, policia, së bashku me kolegët e tij në Mitrovicë, filluan kërkimin për dy personat e arratisur. Kosovari u arrestua më vonë në qytetin e tij të lindjes, Vushtrri. Bashkëpunëtori i tij gjithashtu është kapur. Ai ishte gati të kalonte kufirin.
Telefonat celularë të vjedhur nga hajnat u siguruan dhe iu dorëzuan pronares. Ambasada i dha asaj një pasaportë të re dhe të mërkurën ka mundur të kthehet në Zvicër.