Aksident i rëndë në autostradën A9 pranë Leipzigut në Gjermani. Mëngjesin e së mërkurës është aksidentuar një autobus. Pesë persona humbën jetën dhe pasagjerët e tjerë të autobusit u plagosën rëndë
„Në aksident vdiqën pesë persona“, konfirmoi zëdhënësi i policisë Olaf Hoppe (46) për BILD, transmeton portali Shtegu. Situata në terren është konfuze.
Flixbus ishte rrugës për në Mynih midis Wiedemar dhe Schkeuditzer Kreuz rreth orës 9:45 të mëngjesit. Aty për arsye të panjohura ka dalë nga rruga dhe është përmbysur.
Sipas punonjësve të shpëtimit në vendngjarje, pesë helikopterë janë në shërbim të shpëtimit. Ka një numër të të lënduarve. Policia ende nuk ka mundur të japë numrin e saktë të viktimave. Për momentin nuk ka informacion mbi identitetin e viktimave.
Aksidenti i rëndë i Flixbus të mërkurën nuk është i pari në këtë pjesë të autostradës. Në maj 2019, një përplasje e ngjashme ndodhi vetëm rreth 15 kilometra më në jug në A9. Në atë kohë u përmbys edhe një autobus. Një grua vdiq dhe më shumë se 70 u plagosën, disa në gjendje të rëndë.