15:55:18 2019-03-18
Alarm gatishmërie në një burg të Austrisë së Poshtme: Për shkak se edhe përkundër vendosjes, jelekut anitplumb dhe truprojës, Robert K. (17) nuk është i sigurt në qelinë e tij. Arsyeja: Për vrasjen e tij është paraparë një shpërblim prej 20,000 eurosh.
Një komunitet çeçen dëshiron ta shohë të përgjakur vrasësin e Hadishatit (7), ndërsa dyshohet se ka paraparë shpërblim prej 20,000 eurosh për vrasjen e tij, shkruan „Heute“, përcjell Shtegu.com. Tani, çeçeni i ri është i rrezikuar edhe në qelinë e tij në Austrinë e Poshtme.
„Për shpërblimin e supozuar, administrata e burgjeve u informua nga ministria. Prandaj ne duhet të veprojmë. Jo shumë prej të burgosurve këtu e dinë këtë gjë. Por, ne kemi 180 të burgosur nga rreth 25 kombe, duke përfshirë ukrainasit, çeçenët, bjellorusët, të cilët sigurisht nuk kanë fjalë të mira për Robert K.“, tha një zyrtar i burgut për rrezikun prapa grilave.
Siç është raportuar edhe në fillim të marsit, 17-vjeçari ishte transferuar nën mbikëqyrje të rreptë nga reparti psikiatrik i spitalit ëagner-Jauregg në Linz në një port aty pranë. Tani, vrasësi i vajzës mbikëqyret dhe mund të ecë vetëm me jelek antiplumb, i shoqëruar nga katër oficerë (dy prej tyre nga forca speciale), tek mjeku ose në spital.
„Në këto qarqe, hakmarrja e gjakut vjen nga ana e babait dhe babai i Hadishatit është ende në arrati“, thotë avokati i viktimës Niki Rast, i cili përfaqëson familjen viktimë (nënën).
Robert K. akuzohet se e ka vrarë vogëlushen e vogël Hadishat, e cila në kohë të gabuar ka qenë në vend ta gabuar.