23:04:14 2016-07-03
Kombëtarja gjermane e grupmoshës U19, nuk do të mund të llogaritë në kosovarin Arianit Feratin, për Kampionatin Europian U-19 që do të mbahet në Gjermani, prej 11-24 korrik të këtij viti. Talenti tetëmbëdhjetëvjeçar, i cili ka nënshkruar një kontratë me ekipi e HSV-së deri në vitin 2020, por që për sezonin e ardhshëm është huazuar tek ekipi i Bundesligës së dytë gjermane, Fortuna Düsseldorf, e ka lëshuar të dielën fushën e gjelbër i lënduar, gjatë ushtrimeve në Qendrën e trajnimeve të Federatës futbollistike gjermane (DFB), shkruan „Abendblatt“, njofton „Shtegu.com“.
„Është një dëm i madh për ne, por edhe për Arin, i cili vjen nga Shtutgarti dhe nuk do të jetë i pranishëm në KE“, ka deklaruar trajneri gjerman i U-19, Guido Streichsbier: „Shpresoj se shumë shpejtë do të shërohet dhe do të inkurajohet edhe më tej drejt sukseseve të mëtutjeshme“. Një nominim i mëvonshëm është i pamundshëm, sepse pas ushtrimeve të realizuara, trajneri Streichsbier do ta reduktojë ekipin, nga 23 në 18 futbollistë.