16:12:44 2019-04-11
Spitali i ri kantonal në Aarau kushton 619 milionë franga zvicerane. Kostoja për krevat është më e lartë se gjetiu. Për ndërtesat e reja spitalore në Zvicër, për kohë të gjatë ekziston rregulli: Një milion franga për një shtrat – në Aarau shpenzimet janë dukshëm më të larta.
Spitali kantonal në Aarau (ASK), të martën ka paraqitur projektin fitues për ndërtesën e re. Është projekti më i madh ndërtimor që kantoni ka arritur ndonjëherë, tha kryetari i bordit Peter Suter.
Ndërtesa kushton 619 milionë franga – por gjithashtu ka përmasa korresponduese: Ndërtesa është 148 metra e gjatë dhe 126 metra e gjerë. Nëpër dhoma do të ketë 472 shtretër, plus 130 vende të kujdesit ditor, shkruan „Aargauer Zeitung“, përcjell Shtegu.com.
Për një kohë të gjatë, rregulli në Zvicër është: Një milion franga për krevat. Kjo del nga një studim i PwC i vitit 2013 i titulluar: „Patundshmëritë spitalore: Perspektiva të reja, mundësi të reja“. Duke zbatuar këtë rregull për një ndërtesë të re në Aarau, kostoja për krevat ka arritur shumën prej 1.3 milionë frangash zvicerane.