Një dhuratë strugane që mallëngjen, por edhe krenon fëmijët

23:54:27          2016-07-04

Profesori universitar në USHT, Qashif Bakiu, në një postim të tij në Facebook, ka bërë një urim të rallë, me anë të të cilit i uron mërgimtarët struganë për një kopsht me lojëra për fëmijë, të cilin e kanë sjellur ata nga jashtë. I mallëngjyer, por edhe i gëzuar tejmase për dhuratën e tillë, ai ka shkruar: „Zoti i ruajt mërgimtarët tonë, Zoti u faltë gjithë të mirat, të cilët në këtë ditë feste gëzuan fëmijët tanë! Nuk ka mënyrë më të mirë për të uruar festën e Fitër Bajramit! Parku i lojrave, Lagja Dërnok – Dollogozhdë, Strugë“. Të shpresojmë se edhe bashkatdhetarët tanë do të shkojnë gjurmëve të një iniciative të tillë.

 
Duke iu referuar portalit „StrugaLajm“ mësojmë se dhurata është nga dy mërgimtarë të fshatit Dollogozhdë i Strugës. Parku i lojrave nga sot është i hapur për të gjithë fëmijët e fshatit. Para disa muajve filloi puna për jetësimin e kësaj iniciative e cila u konretizua falë kontributit financiar të dy qytetarëve të këtij fshati me punë në botën perëndimore. Bëhet fjalë për Seat dhe Ajri Arsllanin. Zoti i shpërbleftë. (StrugaLajm/Shtegu.com)