Është caktuar data përfundimtare e tërheqjes së fletëpagesës: Mënyra e pagesës përfundon më 30 shtator 2022
Në Zvicër së shpejti do të shfuqizohen fletëpagesat e kuqe dhe ngjyrë portokalli. Postfinance do të tërheqë nga tregu të dy mënyrat e pagesës më 30 Shtator 2022. Sipas një komunikate nga banka, më pas, në vend të tyre duhet të përdoren fletpagesa QR dhe elektronike.
Institucionet financiare zvicerane tashmë kanë adaptuar zgjidhjet e tyre mobile dhe e-banking në mënyrë që pagesa digjitale me fletpagesë QR të jetë e mundur për klientët privatë dhe të korporatave. Ata që ende preferojnë të paguajnë në sportel, përsëri mund ta bëjnë këtë me fletpagesë QR.
„Për paguesin e faturës në të vërtetë asgjë nuk ndryshon“, thekson zëdhënësi i Postfinance Johannes Möri, për „20 Minuten“. Fatura do të duket ndryshe në të ardhmen, por mund të paguhet njësoj si më parë.
Dosja klasike e pagesës përdoret edhe më tej gjerësisht në Zvicër: në vitin 2019, Postfinance regjistroi 713 milionë transaksione me fletëpagesën e kuqe dhe ngtjyrë portokalli, transmeton Shtegu.com. Shifrat duhet të jenë në një diapazon të ngjashëm edhe në vitin 2020, por ato nuk janë ende publike.
Heqja e fletëpagesës ka për qëllim të kontribuojë në dixhitalizimin e transaksioneve të pagesave. Me fletpagesën QR dhe ate elektronike,Six Group dëshiron të përmbushë kërkesat e rritura të pajtueshmërisë dhe proceseve të automatizimit.
Për kompanitë që nuk janë marrë ende me metodat e reja të pagesës, tani është koha e duhur. Postfinance rekomandon të kontaktoni menjëherë partnerët e bankës dhe softuerit.