Në Gjermani vritet një shqiptar 39-vjeçar

Mbrëmjen e së shtunës, për arsye ende të paqarta, është shkaktuar një sherr fizik në zonën e Eisenbahnstrasse në numrin 30 në Leipzig të Gjermanisë

Për pasojë, sipas policisë, një shqiptar 39-vjeçar ka pësuar lëndime të rënda dhe është dashur të reanimohet në vendngjarje, informon portali Shtegu. Pavarësisht masave të menjëhershme mjekësore, ai ndërroi jetë në spital.

Komisariati i policisë kriminale ka nisur hetimet për një vrasje. Hetimi aktualisht është në fillimet e tij, ndaj nuk mund të jepet më shumë informacion.