Në Gjermani është matur temperaturë rekordë 38,6 gradë

Në qytetin lindor gjerman Koshen, në afërsi të kufirit me Poloninë sot është matur temperaturë prej 38,6 celsius, që paraqet deri më tani temperaturë më të lartë të regjistruar në Gjermani gjatë muajit qershor.

Paraprakisht temperaturë rekorde të larta në Gjermani në qershor 38,5 gradë ishte matur në vitin 1947 në pjesën jugperëndimore të vendit.

Një pjesë e madhe e Evropës Perëndimore dhe Qendrore është përfshirë nga një valë e ngrohtë, me ç’rast meteorologët parashikojnë se do të mund të tejkalohen rekordet historike në lartësinë e temperaturave për këtë periudhë të vitit.