Ndaj një kosovari ishte lëshuar nëj fletarrest ndërkombëtar për përfshirje në një rast vrasjeje në qytezën e Vitisë në Kosovë. Policia franceze tashmë e ka paraburgosur.
E njoftuar nga një informatë, policia franceze e Bordeaux në Francë, ka arritur ta vejë në pranga një kosovar 33-vjeçar, i kërkuar me fletarrest ndërkombëtar.
Pa vendbanim të përhershëm, azilkërkues në Francë, tridhjetetrevjeçari është i dyshuar se ka qenë i përfshirë në një vrasje të kryer në qytezën e Vitisë në juglindje të Kosovës, në vitin 2007, shkruan „Sudouest.fr“, transmeton „Shtegu.com“.
I identifikuar dhe i vëzhguar nga policia franceze qysh nga fundi i javës së kaluar, kosovari ishte arrestuar mu në qendër të qytetit Bordeaux, ndërsa më pas është njoftuar edhe gjykatësi përkatës kosovar i lëndës në Viti.