Afrim Aliu
17:06:52 2016-09-10
Në shtetin e Zvicrës, tashmë nuk është çudi të dëgjosh gjithandej të flitet gjuha shqipe. Nëpër spitale, ambulanca, shkolla, fakultete, ministri, ushtri e shumë e shumë institucione të tjera. Është ky një argumnet se shqiptarët në Zvicër janë integruar në mënyrë të përsosur dhe kanë poste të ndryshme nëpër institucionet zvicerane. E gjithë kjo është arritur përmes punës serioze dhe disiplinës së madhe, për të cilën mahniten shumë vizitorë nga jashtë. Një rast i tillë i ka ndodhur edhe aktivistit dhe veprimtarit shqiptar nga SHBA-të, bashkatdhetarit tonë nga Shkupi, Esat Ahmeti i cili është duke qëndruar për vizitë private në Zvicër. Në një postim të tij në Facebook, ai është mahnitur nga sjellja e kushëririt të vet, Afrim Aliut, i cili tashmë e disa vite në Zvicër është duke punuar si vozitës i tramvajit dhe autobusit të transportit urban në kryeqytetin helvet të Bernës. Ajo që i ka lënë më së tepërmi përshtypje është ndërgjegja e Afrimit për t`ia paguar biletën kushëririt, edhe pse në autobus nuk ka pasur njeri, një veprim i cili në trojet ballkanike anashkalohet me arsyetimin: „Hajt se organet kontrolluese nuk të bëjnë gjë pasi je me mua“. Nga ana tjetër, Afrimi është punëtor i zellshëm dhe gjithnjë i buzëqeshur me udhëtarët, të cilët kanë një simpati të madhe ndaj tij. Në një rast, në tramvajin të cilin po e ngiste ai, hipë edhe kryetarja e Konfederatës zvicerane, organi më i lartë shtetëror. Natyrisht se emocionet e tij ndryshojnë, duke pasur parasysh respektin ndaj një personaliteti kaq të madh. Por, për çudi të madhe të tij, ajo kishte hipur e vetmuar, pa ndonjë përcjellës sigurie, si një qytetare e thjeshtë. I mahnitur nga kjo pamje, ai e pyet një zviceran në afërsi: A e pa se kush hipi tash në tramvaj?! Ai i përgjigjet: „Jo, kush“ ?!, „Kryetarja e shtetit“, i spjegon Afrimi, duke menduar se zvicerani do të mahnitej. „Shumë gajle madhe, as që e di se kush është kryetare e shtetit“, ia kthen zvicerani duke vazhduar qëndrimin e tij indiferent ndaj ngjarjeve përreth tij, përcjellë „Shtegu.com“. Në vazhdim po e postojmë edhe përjetimin me shkrim të Esatit, i cili ka shkruar:
Esat Ahmeti
„Bashkatdhetarë, në fotografitë e mëposhtme dua të ndajë ndjenjën e rregullit(diciplinës). Afrimi (sa emër i bukur i djalit të axhës), i cili punon në transportin publik të Bernës, për të mos më lënë të mërzitem në banesë, më ftoi në një shëtitje me autobus të cilin e drejtone. Edhepse i kam 30 vite në Perëndim, ende „koka, kryet“ më ka mbetur në Ballkan. Ky shofer me siguri do të udhëtojë pa pagesë. Punën e parë që bëri pagoi biletën për mua. (Prapë mendja e arnautit“ është veç vetë në autobus e po paguan biletë, thashë në vetëvete). Në stacionin e fundit ku është i detytuar të bëjë pushim, bëmë sa fotografi. Në fund të këtij fotoreportazhi do të shihni rregullin i cili një ditë do të arrijë edhe në tokat tona, por pasi të largohen „doktorat e shkencave të politikës, ndërtimtarisë, infrastrukturës, gjuhës, historisë“ e të gjitha lamive të jetës“ të diplomave të marra në emër të LUFTËS……..Ndoshta një ditë do të arrijë të shohë këtë ndërgjegjje njerëzore edhe tek vëllezërit e mi në Shqipërine time të dashur, që sot është aq e brishtë“, përfundon shkrimin e tij Esat Ahmeti.