Ndalesa e minareve mund ta rrezikojë edhe Zvicrën

Eksperti italian për terrorizëm, Lorenzo Vidino mendon se edhe Zvicra ofron shkaqe për sulme terroriste. Ai ka paralajëmruar për kritikat refleksive ndaj refugjatëve apo fesë Islame.

Edhe Zvicra nuk është e sigurt nga sulmet terroriste si të Parisit. Një deklaratë të tillë e ka dhënë eksperti për Xhihad, Lorenzo Vidino në një intervistë për javoren zvicerane „Schweiz am Sonntag“, njofton „Shtegu.com. „Zvicra nuk është qëllimi kryesor i terroristëve, por është naive të besohet se ajo është absolutisht e sigurt“. Edhe politika e e jashtme e përmbajtur, nuk e mbron ate nga sulmet. Megjithëse, ajo është më pak agresive se ajo britanike, amerikane apo franceze.

Lorenzo Vidino

Por, Zvicra u ofron arsye të tjera islamistëve për të vepruar. Për shembull, ndalesat për ndërtimin e minareve apo deklaratat islamofobe të politikanëve zviceranë. Kjo është destruktive dhe mu ajo që terroristët e duan si shkak. Shumica e refugjaëtve nuk përbëjnë rrezik, por në të njëjtën kohë, nuk mund të përjashtohet mundësia se në mesin e tyre ka disa refugjatë të cilët kanë ndërlidhje me terrorizmin.“Gjithçka tjetër do të ishte naive. Ajo që më së paku tani e duam, janë poltikanët të cilët sulmet terroriste po i keqtrajtojnë për axhendën e tyre politike“, ka përfunduar Vidino.