Anëtarësimi i Maqedonisë së Veriut në NATO, nuk është dhuratë por sukses i merituari mëritur. Pas ratifikimit të protokollit për anëtarësim në NATO nga SHBA-ja, ministrja e mbrojtjes Radmilla Shekerinska tha se, obligim primar i çdo qeveria përgjegjëse është ta mbajë vendin e mbrojtur dhe sigurt.
Të gjithë ne e dimë se sa të këqija ishin situatat para dy vite e gjysmë. Shtet i izoluar, menaxhim ndërkombëtar i krizës politike të brendshme, konfrontim i fuqishëm brenda shtetit, NATO dhe BE ishin emra imagjinar, kishim kritika edhe nga shtypi i brendshëm dhe ai ndërkombëtar për media të jo të lira, për institucione të kidnapuara për frikë dhе pasiguri”-tha Radmilla Shekerinska, ministre e Mbrojtjes.
Pas SHBA-së, ratifikimin për pranimin e Maqedonisë së Veriut në NATO duhet ta përfundojnë edhe katër shtete, Franca, Spanja, Holanda dhe Islanda. Franca e ka kaluar protokollin në Senat, ndërsa tani duhet ta ratifikojë edhe në Kuvend.
Vendi i fundit që do të ratifikojë protokollin është Spanja. Kjo për shkak të zgjedhjeve që pritet të mbahen atje. Nëse zgjedhjet shkojnë sipas parashikimeve, atëherë, Kuvendi spanjoll duhet të konstituohet më 3 dhjetor. Ditën kur fillon samiti i Londrës i cili do të mbahet më 3 dhe 4 dhjetor. Ministrja e mbrojtjes Shekerinska, tha se nga Spanja nuk ka asnjë arsye tjetër për vonesën e ratifikimit të protokollit. Pas përfundimit të ratifimikimit të protokollit në të gjitha vendet anëtare, i njëjti duhet të ratifikohet në Kuvendin e Maqedonisë. Më pas vendi bëhet anëtarja e 30-të e NATO-s.
/Alsat