Motoçiklisti kosovar që humbi jetën ishte boksier profesionist

20:34:27              2016-06-24

Gjatë një aksidenti që ndodhi mbrëmjen e së martës në Bernë të Zvicrës, jetën e humbi një shtetas kosovar. Për shkak të rrethanave ende të paqarta, ai e kishte humbur kontrollin mbi motoçikletën e tij, duke u përplasur për një veturë. Kosovari vdes në vend të ngjarjes, ndërsa mësohet se ai ka qenë një boksier profesionist.

Katër ditë para se të shuhej jeta e tij, në Bernë ka realizuar meçin e tij të parë në boksin profesionist edhe ate me sukses, duke e mposhtur kundërshtarin e tij me nokaut teknik, shkruan „20 Minuten“, njofton „Shtegu.com“.

Në skenën e boksit është duke mbretëruar një pikëllim i madh, ndërsa kryetari i Shoqatës „Swiss Boxing“, Andreas Anderegg i ka shprehur ngushëllime të sinçerta familjarëve. I ndjeri ka lënë pas vetes bashkëshorten dhe një fëmijë. Të enjten është bërë varrimi i tij në Kosovë.