23:01:00 2018-01-22
Zvicerani me prejardhje nga Maroko, Hakim Lahbati para disa muajsh ka realizuar një ekskurzion me motoçikletë, duke planifikuar t`i vizitojë 13 vende. Për fat të keq, në momentin e fundit ai e anulon vizitën në Kosovë. Për 23 ditë të tëra, ai ka kaluar rreth 6.000 km, duke vizituar 18 parqe kombëtare. Gjatë kësaj, theks të veçantë u ka kushtuar shtigjeve shqiptare rrëzë maleve, të përshtatshme për ngarje të motoçikletës, vërtetë një kënaqësi e rrallë për te. Përpos kësaj, Hakimi i përshkruan rrugët e gjera shqiptare, fshatrat me rrugë të vogla, por me njerëz të ndershëm e mikpritës, të cilët me gjuhën e tyre i kanë ofruar ndihmë, e kanë ftuar tek ta për të pushuar, apo për të kaluar natën.
„Në Maqedoni dhe Shqipëri më ftonin nëpër shtëpi, komunikonim me duar e këmbë, nënjë dialekt që nuk e kuptoja, por në fund gjithnjë qeshnim së bashku“, shkruan në profilin e vet në Facebook Hakimi, përcjellë „Shtegu.com“. Gjatë pauzave të shumta në rrugë ai i ka ftuar njerëit që ta ndajë ushqimin së bashku me ta, por edhe ata e kanë ftuar që ta qerasin në ndonjë lokal.
Thjesht, motoçiklisti nga Zvicra është tejet i kënaqur me këtë përvojë nga ekskurzioni i tij, pasi ka njoftuar njerëz të ndershëm, të cilët ndoshta nuk do t`i takojë më asnjëherë, por që do t`i mbeten gjithnjë në zemër. „Duke iu falënderuar këtyre njerëzve kaq të mëdhenj, unë jam kthyer në shtëpi duke ruajtur energjinë pozitive të këtyre njerëzve dhe vendeve. E falënderoj Zotin që pata fat ta përjetoj një përvojë të tillë“, ka përfunduar Hakimi, duke numëruar vendet të cilat i ka vizituar: Bazel.. Austri.. Slloveni… Kroaci… Bosnje.. Mal të Zi.. Shqipëri.. Greqi.. Maqedoni.. Bullgari.. Serbi.. Rumani.. Hungari. (Shtegu.com)
