21:37:37 2016-07-20
Austriakja Edith F. banon ballëpërballë restorantit „Cafe Albert“ në sheshin „Meidlinger Markt“ të shtetasit maqedonas, ndërsa kohën e kalon zakonisht në kafene. Tashmë disa vite, Edith F. është në grindje verbale me pronarin e restorantit, për shkak të zhurmës. Gjatë ditës së hënë, pensionistja austriake ishte ulur në tavolinën e restorantit, kur papritmas shteteasi maqedonas iu ishte vërsulur. „Herën tjetër do të të vras“, kishte bërtitur ai në drejtim të plakës së shokuar. Shkaku i mundshëm mund të ketë qenë, kontrolli i organeve përkatëse të hetuesisë në restorantin e shtetasit maqedonas. Pronarit i ka shkuar mendja se ndoshta Edith F. e ka shkaktuar këtë kontroll, por ajo e mohon një gjë të tillë, shkruan „Krone“, njofton „Shtegu.com. Sulmuesi është arrestuar menjëherë, por gjatë ditës është liruar përsëri. Tani, plaka Edith F. ka frikë që të dalë nga banesa.