19:57:02 2016-07-21
Gjatë një kontrolli policor në komunikacion, të martën rreth mesditës, në Bückeburg të Gjermanisë është arrestuar një shtetas maqedonas, pasi ilegalisht ka qëndruar në territorin gjerman.
Maqedonasi kishte parashtruar një kërkesë për azil në Gjermani brenda këtij viti, i cili i ishte refuzuar.
„Kundër shtetasit maqedonas me vendbanim në Bückeburg, ishte shqiptuar një hyrje dhe qëndrim në Gjermani“, ka deklaruar zëdhënësi i policisë gjermane , Matthias Auer, njofton „Shtegu.com“.
Ai i kishte rënë në sy policisë pasi ka qenë duke drejtuar një veturë dhe nuk e kishte vendosur rripin e sigurisë.
I arrestuari, me urdhër të gjykatësit përkatës, menjëherë është dërguar në qendrën e arrestit për të dëbuarit, në aeroportin e Hannoverit.