Lopa nënë e dy viçave ngordhë për shkak të kanaçes së hedhur në fushë

Një bujk zviceran e gjeti lopën e tij të ngordhur në ahurin e tij, gjatë fundjavës. Ai supozon se lopa ka ngordhur nga një kanaqe e hedhur prej alumini

Është makth i çdo bujku kur papritmas gjen një lopë të ngrodhur në ahurin e tij. „Ju tmerroheni kur papritmas e gjeni një kafshë të ngordhur në ahur“, thotë Stefan Kissling për Tele M1. Bujku zviceran nga Rickenbachi në Solothurn e gjeti kufomën e lopës së tij dhjetëvjeçare Omega, herët në mëngjes të dielën. Pranë Omegas qëndronin dy viçat e saj binjake, të cilët kanë lindur vetëm një muaj më parë. Por si ngordhi kafsha? Bujku Kissling është i sigurt se Omega vdiq nga një kanaçe e copëtuar alumini e hedhur në misër.

Dyshohet se dikush e ka hedhur një kanaçe në fushën e misrit të Kisslingut, të cilën e punon për të prodhuar ushqim për kafshët e tij. Ditë më parë, bujku zvioceran e ekzaminoi ushqimin sepse dyshonte. Ai gjeti mbetje të vogla alumini, shkruan „20 Minuten“, informon Shtegu.com. «Kjo ju bën të tmerroheni. Shumë njerëz nuk veprojnë me përgjegjësi për mbeturinat e tyre“, thotë Kissling.

Lopa e ngordhur Omega ka lënë pas dy viça të vegjël që kanë qenë të varur nga nëna e tyre. „Por, në këtë drjetim kemi fat në fatkeqësi“, thotë Kissling. Një tjetër lopë që tashmë kishte adoptuar viçat binjake, tani ka marrë rolin e nënës për bonjakët.

Sidoqoftë, pikëllimi në fermën e Kisslings është i madh: „Viçat humbën nënën e tyre sot dhe ne humbëm një lopë të mirë“, ka shkruar gruaja e bujkut në Facebook. Brenda dy ditësh, postimi u shpërnda mbi një mijë herë. Shumica u kanë shpreh ngushëllime dhe janë tmerruar nga pamëshirshmëria e atyre që e shkaktuan ngordhjen e lopës: «Pse duhet të hidhen mbeturinat nëpër kullota? Asnjëherë nuk do ta kuptoj këtë veprim», ka komentuar një përdorues i internetit.