Lëndohen rëndë dy kosovarë në aksidentin në Gjermani

13:23:47             2016-02-10

Një aksident i rëndë gjatë të hënës, në autostradën, në afërsi të Irschenbergut në Gjermani, ka shkaktuar lëndimin e rëndë të tre personave, njëri prej të cilëve është në rrezik për jetë. Autostrada ka qenë e bllokuar për dy orë të tëra.

Sipas një komuniakte të policisë, një punëtor 37-vjeçar kosovar i kulmeve, rreth orës 08.50 ka qenë duke drejtuar automjetin e tij në shpatin e Irschenbergut. Para tij ka qenë një kamion me kontejner nga Mynihu, i cili gjithashtu ka qenë duke u drejtuar nga një kosovar 36-vjeçar. Për shkak të trafikut të dendur në autostradë, vozitësi i kamionit e ka ngadalësuar shpejtësinë, ndrësa për shkak të diellit të ulur, vozitësi tjetër i automjetit e kishte vërejtur me vonesë ngadalësimin e kamionit, duke tentuar që ta devijojë goditjen me te. Por, gjithçka ishte më vonë, pasi ai e preku kamionin në pjesën e pasme të majtë. Pas përplasjes së fuqishme, nga automjeti i kosovarit 37-vjeçar u lënduan një punëtor serb dhe një kosovar, njëri prej të cilëve me lëndime të rënda në kokë dhe me rrezik për jetë. Që të dy u tërhoqën nga vetura e shkatërruar nga zjarrfikësit dhe me helikopter e vetura të ambulancës janë dërguar në spitalet e afërta. Vozitësi kosovar përjetoi një shok të rëndë dhe gjithashtu është hospitalizuar, shkruan „Merkur.de“, njofton „Shtegu.com“. Vozitësi tjetër 36-vjeçar i kamionit, ka kaluar pa lëndime.

Për shkak të aterrimit të helikopterit dhe shërbimeve të tjera, autostrada A8 në drejtim të Salzburgut, ka qenë e tërësisht e mbyllur për dy orë.