22:08:38 2019-04-06
Që nga nëntori i vitit 2017, futbollistët e Kosovës nuk kanë humbur asnjë ndeshje. Benjamin Kololli spjegon kursin e jashtëzakonshëm të një formacioni që ende nuk ka përfunduar për t’u habitur.
Po të merren parasysh vetëm rezultatet, cili është ekipi më i mirë kombëtar i botës, i pamposhtur që nga nëntori i viti 2017? Ndoshta do të habiteni, apo ndoshta zhgënjeheni, ky rekord nuk është as i kampionit të botës – Francës, që në nëntorin e kaluar u mposhtë nga Holanda – e as i Brazilit, apo ndonjë vendi tjetër të renditur në mesin e 10 ekipeve më të mira të botës.
Jo, jo, ky rekord i përket vetëm Kosovës së „vogël“ (vendi 127 në renditjen e FIFA-s), përzgjedhja e Bernard Challandes e cila krenare që nuk ka humbur asnjë nga 12 lojërat e saj të fundit (tetë fitore dhe katër barazime). Sa për krahasim, ekipi zviceran i Petkoviqit në të njëjtën kohë ka arritur pesë suksese (ndaj Serbisë, dy herë Islandës, Belgjikës dhe Gjeorgjisë) dhe tre barazime (Brazilit, Kosta Rikës dhe Danimarkës), kundrejt katër disfatave (Suedisë, Anglisë , Belgjikës, Katarit).
Pra, natyrisht, futbollistët e Kosovës nuk ishin gjithmonë kundër kundërshtarëve të grupit të Lidhjes së Kombeve, të cilin e fituan vjeshtën e kaluar, shkruan „Le Matin„, përcjell Shtegu.com. Por rezultatet e fundit – një barazim miqësor kundër Danimarkës (2-2), e ndjekur me një pikë kundër Bullgarisë (1-1) me rastin e fillimit të kualifikimeve të Euro 2020 – pasqyrojnë përparimin e madh që është bërë.
„Tani është më lehtë se në fillim. Ekipi e ka ruajtur edhe përvojën. Është një lloj zbulimi që pritet“. I lënduar kundër Danimarkës, Benjamin Kololli (26) të hënën ishte në lëndinë, natën që erdhën bullgarët. Një ndeshje që Kosova ka dominuar mjaftueshëm, siç dëshmohet nga statistikat (62 për qind e posedimit të topit, 12 gjuajtje kundrejt 4, 7 rivënie nga këndi kunderjt 4). „Ne i humbëm qartë dy pika që duhej të ishin tonat. Thjesht, ne nuk mund të realizonim në përfundim të ndeshjes. Por, në këto dy ndeshjet e fundit, konstatuam se nuk kishim asgjë për t`i pasur zili kundërshtarët tanë. Gjithkush mund të shihte se ishim më të mirë“.
Në rrugët e kryeqytetit të vogël (245,000 banorë), rruga e shkëlqyeshme e futbollit kosovar është një burim i ri i krenarisë kombëtare. „Po përjetojmë një çmenduri. Ne ndjehemi shumë të famshëm. Nëpër rrugë, gjithkund, gjithkush dëshiron të bëjë një selfie me ne lojtarët“.
Në stadiumin Fadil Vokrri, ku përsëri u tubuan 12.500 spektatorë, ekipi i Bernard Challandes konfirmoi se po ndryshonin kategorinë e tij, përcjell Shtegu.com. „Ne ia kemi filluar nga shumë poshtë, por mund të shkojmë shumë lart“, parashikon sulmuesi i FC Zurich, Benjamin Kololli. Për këtë nominim të fundit, Kololli, i cili tashmë kishte pesë vende të ofruara nga federata, bleu njëzet bileta, të cilat ai ua dha anëtarëve të familjes së tij.
Në ndeshjen e saj të ardhshme (7 qershor) në grupin A, Kosova do të shkojë në Podgoricë për t’u përballur me Malin e Zi. Me objektivin, që të mos mposhtet edhe këtu, për të ruajtur besimin e saj para se të kalojë kanalin La Mansh për të sfiduar Anglinë. Si fitues i grupit të tij në Lidhjen e Kombeve, ekipi i Bernard Challandes do të ketë një shans të dytë për t’u kualifikuar për Euro përmes barazhit, në mars të vitit 2020.
E renditur e 177-ta në botë në vitin 2017, Kosova tani radhitet në mes Togos dhe Malavit, në vendin e 127-të. Nuk ka dyshim se ritmi i kësaj ngritje do të vazhdojë edhe më tej.