Kryeministri Edi Rama i emocionon italianët me fjalimin e tij

Shqipëria dërgon 30 mjekë dhe infermierë në Itali. Kryeministri i Shqipërisë Edi Rama u tha lamtumirë me një fjalim emocionues në italisht: „Ne nuk i harrojmë miqtë tanë“, shkruan gazeta austriake „Heute“.

Sistemi i kujdesit shëndetësor italian ende po përballet me një mbingarkesë të plotë. Ndihma është urgjentisht e nevojshme. Shqipëria e Vogël, të dielën dërgoi 30 mjekë dhe ndihmës mjekësorë në Italinë fqinje.

Kryeministri Edi Rama e përcolli delegacionin. Në një video fjalim në italishte të rrjedhshme, ai tha: „Shqipëria nuk është as një vend i madh dhe as një vend i pasur, por ne nuk harrojmë“. Në të kaluarën, Italia i kishte ndihmuar bujarisht shqiptarët dikur kur kishin nevojë për ndihmë, informon Shtegu.com.

„Ne jemi të vetëdijshëm se nuk mund të lejojmë e të mos i tregojmë Italisë se Shqipëria dhe shqiptarët kurrë nuk i harrojnë miqtë e tyre kur janë në telashe. Është e rëndësishme të luftojmë dhe ta mposhtim së bashku armikun e padukshëm“, tha Edi Rama.

Nëpër mediat sociale italiane, mijëra italianë falënderuan fqinjin e tyre përtej Adriatikut, për fjalët e sjellshme dhe gjestin e shkëlqyeshëm.