Boksieri Ukë Smajli kthehet në Zvicër pas ditëve të turbullta në Londër

Boksieri shqiptar Ukë Smajli, pas ditëve të trazuara në Londër është rikthyer në Zvicër. Në një intervistë për „Aargauer Zeitung“, ai flet për atë që ka përjetuar dhe tregon se si do të shkojnë gjërat për të dhe si e kalon kohën e tij.

Boksieri shqiptaro-zviceran Ukë Smajli, paera dy javësh boksoi në në Londër në turneun e kualifikimeve për Tokyo 2020, si njëri nga mbi 300 boksierët për ëndrrën olimpike. Për shkak të pandemisë së koronavirusit, turneu u ndërpre papritmas në ditën e tretë. 26-vjeçari tashmë kishte përfunduar me sukses meçin e tij të parë.

Ai ndjehet i shëndoshë, por jo edhe aq mirë, pasi për shkak të rrethanave të krijuara, ai nuk stërvitet rregullisht, me përjashtim se vrapon ngapak ose mban pak seanca stërvitore me të vëllain, sa për të vazhduar me teknikën.

„Opsionet e trajnimit janë të kufizuara. Përveç kësaj, aktualisht nuk ka asnjë qëllim që unë të mund të punoj si duhet. Për një boksier, është e rëndësishme të planifikoni për një turne. Duhet të dini se në cilën fazë përgatitjeje jeni në varësi të fizikut tuaj, teknologjisë apo sparringut në fokus. Për momentin jam duke u përpjekur të ruaj aftësinë time. Për planifikimin e mëtejshëm, duhet të di kur të vazhdoj“, ka pohuar boksieri.

Për momentin Uka është duke përgatitur tezën e masterit në studimet e tij të ekonomisë në Universitetin e Cyrihut, të cilën e kishte lënë pak pas dore për shkak të boksit. Përpos kësaj, ai është i punësuar edhe 50 për qind, informon Shtegu.com.

Lidhur me shpresat e tij për turneun në Londër, Ukë Smajli rrëfen: „Udhëtova për në Londër me shpresë se turneu do të mund të zhvillohej edhe më tej. Kur arritëm, në qytet nuk mund të vërehej ndonjë tollovi për shkak të koronavirusit. Njerëzit shkonin në treg ose takoheshin rrugëve. Vetëm nëpër ashensorët e hotelit ia kthenin shpinë njëri-tjetrit. Ne boksierët gjithmonë duhej të bënim kontroll shëndetësor para se të fillonte meçi. Kjo përfshinte matjen e etheve. Nuk ka pasur masa të posaçme në vend sa i përket koronavirusit. Megjithëse IOC ka dhënë këshilla për mbrojtjen kundër virusit dhe vendosi dezinfektues në sallat e trajnimit“.

Por, për një moment, turneu anulohet dhe Uka i përgatitë valixhet për t`u kthyer në shtëpi.