Kreu i Partisë Demokratike, Lulzim Basha, ka zhvilluar mëngjesin e sotëm një takim me Presidentin Ilir Meta.
Takimi mes Bashës dhe Metës ka zgjatur 40 minuta dhe vjen në një kohë kur politika shqiptare ndodhet në krizë të thellë disamujore.
Nga tjetër, opozita nuk mori pjesë në zgjedhjet e 30 qershorit, ndërsa kryebashkiakët e djathtë kanë vendosur të mos lirojnë bashkitë.
Pikërisht kriza e thellë politike mësohet të ketë qenë tema kryesore e diskutimit mes Bashës dhe Metës.
Ndërkohë, pas takimit me Metën, Basha pritet të zhvillojë një takim me aleatët e PD. /BW/