Ministri turk i punëve të Jashtme, Mevlud Çavushoglu, në suaza të takimit me homologun e tij maqedonas Nikolla Dimitrov, ka thënë se nga qeveria e Maqedonisë së Veriut pret ndërhyrje konkrete lidhur me Gylenistët, të cilët autoritete turke po i akuzojnë për tentim puçi kundër Presidentit turk Erdogan.
“Gjithmonë jemi krah Maqedonisë së Veriut dhe do të vazhdojmë të jemi. Presim ndërhyrje konkrete nga miqtë tanë kundër organizatës terroriste FETO. Ajo është kyqe për ne, por edhe për të ardhmen e tyre”, ka shkruar Çavushoglu në rrjetin social Twitter.
Edhe pse paralajmëroheshe se Turqia nuk do të ratifikojë Protokollin për anëtarësim të vendit në NATO pa ekstradimin e pjesëtarëve të organizatës FETO të cilët sipas tyre gjenden në Maqedoninë e Veriut, prapë se prapë Protokolli u ratifikua.