Krim i tmerrshëm në Hamburg: Ish bashkëshorti ther gruan dhe ia vë zjarrin djalit

165 Lexime

Çfarë krimi i paimagjinueshëm! Pasditen e së premtes, një person ka hyrë në banesën e ish bashkëshortes së tij në Lurup dhe dyshohet se e ka goditur me thikë ate para syve të dy fëmijëve. Më pas, ai dyshohet se ka derdhur benzinë ​​mbi djalin e tij dhe ia ka vënë flakën banesës!

Në vendngjarje kanë ardhur menjëherë rreth 60 shpëtimtarë, përfshirë disa ambulanca dhe katër mjekë kujdestarë, shkruajnë mediat gjermane.

Tre oficerë policie, të cilët të parët u përpoqën të shpëtojnë të prekurit, pësuan helmim nga tymi. Ata u përkujdesën nga paramedikët, informon Shtegu.com.

Siç mësoi gazeta MOPO, një persona ka hyrë në banesën e ush bashkëshortes së tij dhe dy fëmijëve. Këtu ai thuhet se e ka sulmuar nënën me thikë dhe e ka plagosur rëndë. Pastaj ai thuhet se ka derdhur një lëng të ndezshëm mbi djalin e tij dhjetëvjeçar dhe e ndezi para motrës së tij (12). Djali pësoi lëndime të rënda të djegies.

Autori i dyshuar thuhet se është lënduar nga flakët. Sipas dëshmitarëve në vend, ai po qëndronte me flakë në ballkon dhe ka bërtitur „Të gjithë duhet të digjen!“.

Ndërkohë, zjarrfikësit shpëtuan njerëz nga banesat e mësipërme duke përdorur shkallë ajrore. Disa prej tyre kishin helmim nga tymi dhe gjithsej 18 persona është dashur të përkujdesen nga shërbimet e urgjencës.

Sipas informacioneve të fundit, gjithsej janë plagosur rëndë katër persona, përfshirë vajzën për të cilën thuhet se ka pësuar helmim nga tymi. Ndër të lënduarit rëndë është edhe djali, i cili thuhet se është 40 për qind i djegur dhe autori i dyshuar, i cili thuhet se është 40 deri në 50 për qind i djegur. Shkaku i krimit aktualisht është ende duke u përcaktuar, por dyshohet se gruaja ka dashuir t`ia ndalojë fëmijët për t`i parë.