Kompania shqiptare ofron gardh falas në vendin ku Zeneli e humbi jetën

10:54:11                      2019-05-28

Deklaratat emocionuese të babait (44) të Zenelit katërvjeçar të mbytur në Möriken-Wildegg AG, ka tronditur shumë lexues të „Blick“ duke përfshirë edhe një gardhpunues shqiptar 27-vjeçar nga Cyrihu. Ai ka shprehur dëshirën që të përmbushë kërkesën e të afërmve që vendi i aksidentit tani të bëhet më i sigurt.
Kur Valmir Emini (27) lexoi për dramën e Zenelit të vogël, ai u trondit thellë. Sidomos kur babai Asman M. (44), në vendin e aksidentit në Möriken-Wildegg AG, kërkoi që në të ardhmen të vendoset një gardh, në mënyeë që asnjëherë më të mos mbytet ndonjë fëmijë gjatë lojës pranë lumit.

Valmiri për „Blick“ ka deklaruar: „Kam një sipërmarrje për rregullim gardhesh dhe në këtë vend ofroj një gardh falas, informon Shtegu.com. Diçka si kjo nuk duhet të ndodhë kurrë më. „Pronari i `Zaunprofis GmbH` në Wetzikon ZH dëshiron të instalojë gardhin me menaxherin e tij të projektit dhe bashkëpronarin e tij falas.

Valmiri nuk dëshiron ta reklamojë sipërmarrjen e tij. Motivi i tij: „Fati i Zenelit më ka tronditur thellë. Dhe nëse banorët mund t’i ndihmoj që t`i sigurojnë fëmijët e tyre në të ardhmen, atëherë arrihet qëllimi“.

Por, projekti ende mbetet një ofertë. „Blick“ ka kontaktuar pronarin e truallit ku ka ndodhur aksidenti, ai nuk ka dekalruar asgjë – njësoj sikurse edhe përgjegjësi.
„Sigurisht që është jashtëzakonisht tragjike që një djalë i vogël është dashur ta humb jetën në Aabach. Ne i shprehim ngushëllimet tona të sinqerta të afërmve të tij“, ka deklaruar kryebashkiaku Hans-Jürg Reinhart (61, SVP). Ai shton: „Nëse konstatohet se djali ra në lum nga trualli i komunës, ne do të marrim parasysh çdo masë strukturore“.

Po që se Zeneli ka rënë në lum nga vendi ku nuk ka gardh, pronari i truallit e ka fjalën e fundit që pritet të jetë pozitive.