Një terrorist i dyshuar i SHI nga Wuppertali në Gjermani, e ka pranuar pjesërisht veprën në gjykatë. Të hënën, 30-vjeçari pranoi në procesin në Gjykatën e lartë rajonale të Dyseldorfit se kishte pranuar urdhrin për të vrarë një biznesmen shqiptar
Atij i kishin thënë se ai ishte “një jobesimtar i ndyrë” që kishte bërë gjëra të këqija.
Megjithatë, kur e shikoi shqiptarin në sy, ai u tërhoq nga vendimi pwr ta vrarw.
Këtë rast, prokuroria e paraqet ndryshe: Gjatë këtij rast, vrasësi i dyshuar me pagesë nuk ka mundur ta identifikonte qartë viktimën dhe e kurseu atw për të mos vrarë ndonjë person të gabuar.
I pandehuri gjithashtu pranoi se kishte formuar një grup me të dyshuar të tjerë. Megjithatw, nuk ishte një qelizë terroriste e SHI, siç e akuzon prokurori federal. Ata donin të ndihmonin me donacione “myslimanët në nevojë“.
Por ai e dinte që personi me të cilin po fliste në shërbimin e mesazheve ishte një terrorist i SHI. Ai aty mund të shihej me një kallashnikov dhe një flamur të SHI, informon Shtegu.com.
Shtetasi i Taxhikistanit dyshohet se kishte planifikuar vrasje dhe sulme terroriste në Gjermani dhe Shqipëri me një qelizë terroriste të bashkatdhetarëve taxhikë. Procesi në repartin e sigurisë së lartë të Gjykatës së Lartë Rajonale të Dyseldorf do të vazhdojë.
Prokuroria Federale ka aplikuar për tetë vjet e gjysmë burg për një terrorist të dyshuar të IS nga Wuppertal. Akuzat kundër Taxhikishtit 30-vjeçar në thelb janë konfirmuar, sipas përfaqësuesve të prokurorit të përgjithshëm të hënën në lutjen e tyre në Gjykatën e Lartë Rajonale të Dyseldorfit. Avokatët e mbrojtjes duan të deklarohen në javën e ardhshme, vendimi do të shpallet në 26 janar. Terroristët e tjerë të dyshuar të IS do të gjykohen në një procedurë të veçantë.