Edhe një disfatë para Gjykatës federale zvicerane për kosovaren, e cila masovikisht e kishtë keqtrajtuar vajzën e saj të mitur, duke e humbur kështu edhe lejen e qëndrimit të rregullt në Zvicër. Kërcënimi i saj për të bërë vetvrasje, nuk e ndihmoi rreth vendimit për tu dëbuar.
Në janar të këtij viti, Gjykata federale zvicerane e ka konfirmuar vendimin e autoriteteve të Entit zviceran të migrimit, duke mbrojtur vendimin e tij për të dëbuar një kosovare 43-vjeçare.
Kosovares i ishte anuluar leja e qëndrimit të rregullt në Zvicër, pasi ishte dënuar për veprat penale „kërcënim i jetës, shkaktim të lëndimeve trupore dhe veprave të tjera penale“. Ajo e kishte keqtrajtuar rëndë vajzën e saj 17-vjeçare, duke e sjellë në rrezik për jetë.
Gjykata rajonale See-Gaster e kishte akuzuar rëndë kosovaren: Nëna brutale tri herë e kishte goditur kokën e vajzës për radiatorin e banjos, para se ta godasë me një rrip 20 herë në kokë, krahë dhe këmbë. Përpos kësaj, ajo e kishte kërcënuar vajzën edhe me një thikë. Më pas, ajo e kishte vazhduar rrahjen edhe me një kabllo elektrike, shkruan „Tagblatt“, njofton „Shtegu.com“. Kur ajo kishte dashur t`ìa marrë nga dora kabllon, ajo e kishte kafshuar në pjesën e sipërme të krahut, duke i shkulur bile edhe një grusht flokësh. Pas kësaj, ajo e kishte ngulfatur vajzën me kabllon në fyt, sa që për pak ka mundur ta mbytë.
Pas dënimit të saj, kosovarja ishte përpjekur disa herë për ta vazhudar lejeqëndrimin, por autoritetet e St. Gallenit iakishin refuzuar rregullisht një kërkesë të tillë. Në ndërkohë, sipas informatave të kosovares, ajo i është drejtuar edhe Gjykatës për të drejtat dhe liritë e njeriut në Strasbourg, ndërsa në ankesën e saj të vendimit të Gjykatës federale zvicerane, ajo ishte kërcënuar se do të bëjë vetvrasje, po që se dëbohet nga Zvicra.
Për tu realizuar dëbimi i saj, autoritetet zvicerane janë duke i planifikuar të gjitha masat e nevojshme për t`ia siguruar jetën deri në cakun e udhëtimit të saj.
