19:15:31 2019-02-08
Një 14-vjeçar i mitur, me veturë të prindërve në komunikacion dhe me goma tëverës. Ky konstelacion solli në një aksident në Littau të Zvicrës, ndërsa dëmi i shkaktuar vlerësohet në rreth 33,000 franga zvicerane, shkruajnë mediat vendore, përcjell Shtegu.com.
Një djalosh 14-vjeçar ka shkaktuar një aksident me veturën e prindërve të tij, në Littau. Në momentin që po kthehej nga rruga „Flurstrasse“ në „Zimmereggstrasse“, ai e humbi kontrollin mbi veturën e cila ishte e pajisur me goma të verës.
Adoleshenti më pas u përplas me veturë në një ndriçues rruge, duke e dëmtuar tërësisht veturën. Me këtë rast, ai ka pësuar lëndime të lehta, përcjell Shtegu.com. Kjo aventurë i ka kushtuar shtrenjtë: Dëmi i përgjithshëm vlerësohet në rreth 33,000 franga.
Si arsye përse ai e vodhi veturën e prindërve pa dijeninë e tyre, ai deklaroi se donte të mburrej para shokëve të tij.