14:36:40 2019-06-16
Natën e së dielës në St Gallen të Zvicrës, është shkaktuar një përleshje masive. Pasi kanë sulmuar një grup prej tetë personash, janë arrestuar dy kosovarë.
Mbrëmjen e së dielës, në zonën e Brühlgasse-s në St. Gallen është shkaktuar një grindje masive. Sipas policisë së qytetit St. Gallen, një grup prej tetë personash është sulmuar para shkallëve të kalimit Brühl, nga tre persona. Kur grupi prej tetë personave po largohej në drejtim të Brühlgasse, ata u sulmuan, ndër të tjera me shishe dhe grushta.
„Patrullat e policisë së qytetit St.Gallen hasën në grupin tetanëtarësh, katër prej të cilëve të lënduar“, shkruan policia e qytetit. Gjatë konfrontimit, ata kishin pësuar lëndime në kokë dhe është dashur të dërgohen në spital, shkruajnë mediat zvicerane, përcjell Shtegu.com.
Të plagosurit janë katër zviceranë të moshës 28 (2x), 29 dhe 35 vjeç. Gjatë kësaj, policia ka arritur të arrestojë gjithashtu dy kosovarë të grupit tjetër të moshës 21 dhe 28 vjeçare. Personi i tretë ka arritur të largohet nga vendngjarja.
Përveç disa patrullave të policisë kantonale dhe policisë së qytetit të St. Gallenit, u mobilizuan edhe dy ambulanca dhe një mjek kujdestar. Për të siguruar gjurmë, u mobilizua qendra kompetitive e Mjekësisë Ligjore të Policisë Kantonale St.Gallen.
Shkaku i mosmarrëveshjes është i paqartë. Policia kantonale e St.Gallenit, nën drejtimin e prokurorit publik të Kantonit të St. Gallenit, ka marrë përsipër hetimin e mëtejshëm të rastit.