14:59:00 2019-05-26
Vallë, a duhet të hyjnë Shqipëria dhe Maqedonia e Veriut në Bashkimin Europian? „Ajo që bllokoi zgjerimin e Bashkimit Europian me Shqipërinë dhe Maqedoninë e Veriut, isha personalisht unë kur isha ministre“, ka deklaruar Nathalie Loiseau, për mediat franceze, përcjell Shtegu.com.
Udhëheqësi i Listës „La République en marche“ shënjeshtron të parin e Listës „Les Republicains“ Francois Xavier Bellamy, i cili gjithashtu është kundër. Ashtu si Laurent Wauquiez, udhëheqësi i partisë. „Ai që ka qenë për zgjerim, për vite me radhë, për zgjerimin duke u hedhur si një kec, është Laurent Wauquiez. Por, ai ka ndryshuar mendimin dhe veçanërisht mendon se njerëzit nuk kanë kujtesë“, thotë ajo.
Më tej, ajo ka shtuar: „Unë shkova në Maqedoninë e Veriut për t`u thënë jo, sepse nuk jeni gati, sepse edhe ne nuk jemi gati, nuk do të ketë negocime në qershor. Nuk ka asnjë pasaktësi (…) Ne do të jemi kundër, do të vazhdojmë të jemi kundër, ata janë gjeografikisht në Europë, ne duhet t’i ndihmojmë ata, por zgjerimi nuk vjen në pyetje“.
« Lorsque j’étais ministre chargée des Affaires européennes, c’est moi qui ai bloqué l’élargissement à l’Albanie et à la Macédoine du Nord.»#RTLMatin pic.twitter.com/3k6F2L4zbb
— Nathalie Loiseau (@NathalieLoiseau) May 22, 2019
