Një grindje familjare të enjten shpërtheu në Cyrih-ëollishofen në të cilën babai, nëna dhe vajza u plagosën. Babai (47) vdiq në vendngjarje. Sipas informatave të fundit të mediave zvicerane, ishte vajza e tij 18-vjeçare që e qëlloi për vdekje. Ajo është arrestuar
Pak para orës 7 të mëngjesit të së enjtes, Policia e Qytetit të Cyrihut mori një raport në lidhje me një mosmarrëveshje të dhunshme në një banesë në Cyrih-ëollishofen. Menjëherë kanë intervenuar disa patrulla. Shërbimet e urgjencës gjetën të plagosur rëndë në vendngjarje një shtetas zviceran me prejardhje kosovare (47) dhe dy gra të plagosura (18, 50). Bëhet fjalë për babain, nënën dhe vajzën, siç shkruan “20 Miinuten”, duke iu referuar një deklarate nga policia.
Viktima është M.B.. Kjo është konfirmuar nga një i afërm i familjes. Nëna B. (50) dhe vajza e tyre (18) janë plagosur. M.B. vdiq në banesë pavarësisht masave të menjëhershme të ringjalljes. Dy gratë janë dërguar në spital, informon Shtegu.com.
Të premten, prokurori Publik i Cyrihut njoftoi: Vajza 18-vjeçare qëlloi babanë e saj gjatë një mosmarrëveshje familjare.
„Se si saktësisht ndodhi mosmarrëveshja dhe në cilat rrethana gruaja 18-vjeçare shkrepi të shtënat, është objekt i hetimeve të mëtejshme nga policia kantonale dhe prokurori publik“. Që nga ky moment vajza është arrestuar