Mesnatën e së shtunës, në stacionin e trenit në Mynih të Gjermanisë, rreth orës 00.55, është shkaktuar një zënkë në mes të një shtetasi irakian 36-vjeçar dhe një kosovari 32-vjeçar, i cili ka qenë nën shoqërimin e një shtetase 21-vjeçare rumune. Për shkaqe ende të panjohura, irakiani kishte nxjerrë një thikë duke e kërcënuar kosovarin se do t`ia presë kokën. Me këtë rast, kosovari është lënduar në gishtin e mesëm të dorës, ndërsa irakiani edhe më tej i ka ofenduar ata.
Më në fund, policia ka arritur të arrestojë irakianin 36-vjeçar, ndërsa policia po punon në zbardhjen e plotë të rastit.
