Interpoli arreston shqiptarin e shumëkërkuar prej dhjetë vitesh

08:16:29               2016-11-27

Policia austriake ka arrestuar një shqiptar 40-vjeçar shumë të kërkuar, në Korneuburg të Austrisë. Tash e dhjetë vite me radhë, ai ka qenë i kërkuar në Itali pasi dyshohej se ishte udhëhehqës i një bande të rrezikshme shqiptare, ndërsa pritet t`i ekstradohet Italisë.

Policia italiane në Milano ka komunikuar se trafikanti shqiptar i lëndëve narkotike, i cili kërkohej prej dhjetë vitesh, është arrestuar nga policia austriake, përcjellë „Shtegu.com“. Ai do të duhet t`i ekstradohet Italisë ku do të vuajë një dënim prej dymbëdhjetë vitesh.

Shqiptari njihet si udhëheqës i një bande të rrezikshme shqiptare, e cila përmes itinerarit të Ballkanit, ka trafikuar sasi të mëdha heroini prej Afganistani për në Itali dhe Europë Perëndimore. Kërkimi i shqiptarit është bërë nga Interpoli.