06:54:40 2016-11-27
Fëmijët Muhamed (8) dhe Mendim Dvorani (5), përndryshe shtetas austriakë, kanë humbur jetën pasi një person kishte bërë vetvrasje, duke i dalur kamionit përpara, ndërsa në te është përplasur babai i tyre me veturë.
Vëllezërit Muhamed (8) dhe Mendim Dvorani (5), shtetas austriakë, kanë humbur jetën në autostradën Novi Sad – Suboticë për shkak të një këbësori vetëvrasës.
Tragjedia ka ndodhur kur një person i panjohur i ka dalë përpara një kamioni i cili e ka goditur për vdekje, ndërsa pas kamionit është përplasur edhe vetura në të cilën kanë qenë dy fëmijët.Babai i fëmijëve Akrip Dvorani (38) dhe kushëriri i tyre Petriti (37) kanë pësuar lëndime të rënda, raportojnë mediet serbe, njofton „SHtegu.com“.
Të premten rreth orës 01.30, kamioni të cilin e ngiste shtetasi maqedonas Nikola Dimov (52), ka goditur një këmbësor, deri më tani të panjohur. Ai kishte vrapuar para kamionit duke ia hapur krahët dhe duke e pritur për ta goditur.
„Trupi i këmbësorit është hedhur në anën e majtë, ndërsa pas disa metrave kamioni është ndalur. Vozitësi i „Mercedesit“ me autotarga austriake, Akrip Dvorani, e ka hetuar trupin e këmbësorit në rrugë, ka dashur ta devijojë që të mos shkelë mbi të dhe ka goditur rimorkion e kamionit. Në atë moment, në veturë kanë qenë katër udhëtarë, dy fëmijët, Akripi dhe Petriti.