I nxehtë i rrezikshëm për punëtorët nëpër kantiere, reagon UNIA në mbrojtje të tyre

21:36:56                    2019-06-26

Vera në Zvicër po arrin kulminacionin gjatë kësaj jave: Temperaturat pritet të ngriten deri në 40 ° C. Ky i nxehtë është shumë i rrezikshëm për punëtorët nëpër kantiere. Prandaj shkaktohet nevojë për masa të posaçme mbrojtëse, deri në mbylljen e kantiereve. Sindikata UNIA bën thirrje që ndërtuesit të tregohen gjentilë në rast nevoje, në mënyrë që masat mbrojtëse të zbatohen në vepër. Afati dhe koha e presionit nuk duhet të rrezikojnë shëndetin e të punësuarve!

Dehidratim, djegie nga dielli ose sulm nga ngrohja, mund të kenë pasoja të rënda për ata që preken dhe bile mund të shpie edhe deri te vdekja. Çdo vit, rreth 1.000 të punësuar preken nga kanceri i lëkurës, për shkak se ata janë të ekspozuar drejtpërdrejt në rrezet përvëluese të diellit. Gjatë periudhave të ngrohjes, aksidentet rriten për 7 për qind më shumë se sa zakonisht.

Punëdhënësit janë përgjegjës për shëndetin e punëtorëve të tyre dhe duhet të marrin masa të veçanta gjatë të nxehtit. „Nëpër kantiere, mbrojtja nga dielli dhe uji i mjaftueshëm duhet të jenë në dispozicion. Orari i punës duhet gjithashtu të përshtatet në mënyrë që të mos punohet të nxehtit të madh“, thotë Bruna Campanello, shefe e sektorit të industrisë, informon Shtegu.com.

UNIA bën thirrje që kantieret me ekspozim të drejtpërdrejtë ndaj diellit (p.sh. në autostrada) dhe kantieret me reflektim të lartë (sipërfaqet me katran) të mbyllen në temperatura mbi 35 gradë. Ndërtuesit duhet të lejojnë më shumë afat për kompanitë në situata të tilla. Përndryshe, afati dhe presioni i kohës pengon zbatimin e masave mbrojtëse. Veçanërisht nga autoritetet kontraktuese, të tilla si ASTRA ose SBB, prandaj UNIA pret më gjentilitet dhe për vonesat për shkak të kushteve të motit, të mos shqiptojnë ndonjë ndëshkim!

Ekipi i UNIA kontrollojnë nëpër kantiere, nëse janë marrë masa efektive për t`i mbrojtur punëtorët nga rreziqet e të nxehtit. Nga ana tjetër, ata gjithashtu informojnë punëmarrësit nëpër kantiere dhe japin këshilla se si mund të mbrojnë vetveten e tyre. „Punëtorët që vërejnë se rregullat për mbrojtjen e tyre nuk respektohen, duhet të ankohen tek udhëheqësi i punës, apo të kontaktojë UNIA“, thotë François Clément, nga UNIA.