17:56:12 2019-06-02
Ndeshje si nga filmat horror është zhvilluar në mes të FC Aarau dhe FC Neuchâtel Xamax. Në ndeshjen e parë të barazhit për inkuadrim në ligën më të lartë zvicerane, FC Neuchâtel Xamax si vendas kishte pësuar disfatë me rezultat 0:4 dhe të gjithë e kanë llogaritur si humbës në ndeshjen kthyese.
Në këtë ndeshje, ishin angazhuar edhe Kemal Ademi për vendasit dhe Gëzim Pepshi tek ekipi i FC Aarau, i cili tregoi një lojë fantastike, informon Shtegu.com. Mirëpo, kur të gjithë menduan se FC Aarau shumë lehtë do të inkuadrohet në rangun më të lartë të futbollit zviceran, ndodhi e papritura.
Që në pjesën e parë, FC Neuchâtel Xamax shënoi tre gola, prej të cilëve njërin e shënoi edhe Kemal Ademi për të ngritur rezultatin në 0:3, në minutën 38`. Pjesa e parë përfundoi me rezultatin e lartpërmendur, në mënyrë që në pjesën e dytë shënojnë sërish mysafirët 0:4, për të barazuar rezultatin e përgjithsëm në 4:4.
Ndeshja përfundoi me po këtë rezultat dhe loja shkoi në vazhdime. Pas përfundimit edhe të lojës shtesë me të njëjtin rezultat, FC Aarau humbi pas ekzekutimit të penaltive me rezultat 4: 5, ndërsa Kemal Ademi sërish ishte i suksesshëm në ekzekutimin e penalltisë gjatë rezultatit 3:4.