12:32:39 2016-09-19
Në partinë gjermane AfD në Brandenburg është zhvilluar një debat i ashpër: Me kërkesë të gjashtë nga dhjetë të deleguarve në Parlamentin e Potsdamit, të enjten është mbajtur një mbledhje e jashtzakonshme e fraksionit. Arsyeja ka qenë një grup i biznesmenëve shqiptarë, me truproje të armatosur, që e kishte vizituar Parlamentin në fjalë.
„Para dy javësh, në Parlament u futën pesë vizitorë të çuditshëm, të cilët kanë qenë të veshur me kostume të errët e shpatullgjerë“, kanë raportuar bashkëpunëtorët parlamentarë, shkruan „Bild“, njofton „Shtegu.com“.
Grupi i frikshëm është shoqëruar nga nënkryetari i AfD-së, Andreas Kalbitz (44), udhëhehqësja parlametare, Birgit Bessin (38) dhe bashkëpunëtorja e AfD-së, Steffen Kotré.
Njëri nga këta vizitorë të çuditshëm mbante një këllëf arme, ka deklaruar një bashkëpunëtor i tronditur parlamentar. Zëdhënësi Mark Weber (46) pohon: „Pasi dashtëm të bindeshim në vizitën e tyre, grupi më ishte larguar. Në Parlament armët janë të ndaluara“.
Pas interesimit të „Bild“ se kush kanë qenë shqiptarët e çuditshëm, udhëhehqësja Bessin ka konfirmuar: „Ishin sipërmarrës të logjistikës dhe hotelierisë, me prejardhje shqiptare të cilët kanë dashur të gjejnë lokale për evenimente të tyre“.