Gjeneva tejkalon Zugun si kantoni më i pasur në Zvicër

Kantoni i Gjenevës shënoi fitimin më të madh nga të gjitha kantonet zvicerane në vitin 2024 me 541 milionë, duke ia kaluar Kantonit Zug

Kantoni i Gjenevës ka shënuar fitimin më të madh nga të gjitha kantonet zvicerane në vitin 2024, me 541 milionë, sipas “Le Matin Dimanche”. Kjo do të thotë se Kantoni i Gjenevës pritet të bëhet kontribuuesi më i madh në sistemin kombëtar të barazimit fiskal në vitin 2028, duke kaluar liderët e mëparshëm Zug dhe Cyrih.

Ky parashikim është bazuar në projeksionet e Institutit BAK, transmeton portali Shtegu. Shuma llogaritet me katër vjet vonesë. Prandaj, këto shifra tashmë mund të vlerësohen. Megjithatë, Nathalie Fontanet, drejtoreshë e financave e Kantonit të Gjenevës, thekson se shifrat nuk janë ende përfundimtare.