Gjendet vetura e shtrenjtë që iu vodh shqiptarit në Zvicër

13:03:30                     2019-06-21

Garazhisti Nehat K. në të ardhmen do të mendohet dy herë, se a do t`i lëjë çelsat brenda veturës së tij. Shqiptari nga Solothurni po blinte cigare në një qoshk të mërkurën mbrëma dhe çelësin e veturës e la brenda – kur u kthye, vetura ishte zhdukur. Pas raportimit të „20 Minuten“ për incidentin, gjithçka u zbulua shpejt: „Gjysmë ore pasi artikulli u shpërnda nëpër internet, dikush kishte gjetur veturën time“, tha Nehati.

„Policia më tha se një lexues i `20 Minuten` e kishte zbuluar veturën në rrugë“, vazhdon tregtari i veturave, informon Shtegu.com. Atij sikur i kishte rënë një shkëmb mbi shpinë, pasi që më parë e kishte shitur veturën për 32,000 franga. Ajo ishte gjetur në gjendje të mirë: Megjithatë, ka pasur disa gërvishtje të vogla.
Mirëpo, nga çelësat e i veturës mungon çdo gjurmë: „Ata mbeten me siguri të zhdukur, së bashku me çelësat e tjerë“. Në fund të fundit, hajnat nuk e kishin gjetur portofolin e tij, pasi ai ishte ende i mbushur me para.

Se kush ia ka vjedhur veturën, Nehati nuk e ka idenë. Megjithatë, ai nuk beson në një shaka të pakripë: „Përndryshe, hajni nuk do ta kishte mbajtur çelësin“. Policia tani ka filluar një hetim. Nehati shpreson se policia do ta udhëheqë këtë me ndërgjegje, sepse dyshon se policia me të vërtetë e ka kërkuar veturën e tij të vjedhur: „Ajo është gjetur tre rrugë pranë stacionit të policisë në Grenchen“.