Gjallërohet Zvicra, hapet sipari i shkollave fillore (VIDEO)

Edhe zyrtarisht, të hënën filloi përgatitja për hapjen e objekteve shkollore në Zvicër. Në redaksinë tonë na ka ardhur një video e shkurtër në të cilën shihet hapja e roletave të dritareve të shkollës fillore „Brünnen“ të Bernës. Një kënaqësi e rrallë për nxënësit dhe mësimdhënësit, ndërsa gëzimi ishte i madh edhe te mbikëqyrësi i shkollës, i cili saktënë ora 06.00 i hapi roletat e dritareve prej nga do të akumulohet dituria e nxënësve që pas rreth dy muajsh sërish mund ta dëgjojnë tingullin e ëmbël të mësueses.

Në të njëjtën kohë, një bashkatdhetar nga Shkupi po e përgatiste ambientin për ta shoqëruar fëmijën e tij në shkollë. „Jam i lumtur që fëmija im sërish do ta vijojë mësimin, por po më duket se është pak herët dhe jam i rezervuar në këtë veprim të shtetit zviceran. Uroj që gjithçka të përfundojë si është më së miri“, ka pohuar për Shtegu.com bashkatdhetari ynë.