Autoritetet përkatëse të Komunës Baar në Zvicër, e kanë dhënë me qira rishtazi restorantin “Adler” në Allenwinden. Qiramarrësit e rinj janë Pashk Berisha dhe Joel Meier, shkruajnë mediat lokale, transmeton Shtegu.com.
Qiramarrësit e rinj Pashk Berisha dhe Joel Meier, në “Adler” planifikojnë të pranojnë mysafirë që nga 1 gushti, mu në ditën e Festës shtetërore të Zvicrës. Sipas organeve kompetente në Baar, që të dy kuzhinierët kanë përvojë të gjerë në gastronomi. Kohët e fundit, ata kanë punuan në restorantin “Fontana” në Inëil-Baar, ku Pashk Berisha ishte i punësuar si kuzhinier.
Në restorantin „Adler“ (që në gjuhën shqipe do të thotë shqiponjë) ata janë përkrahur nga stafi i shërbimit Lara Reichmuth, e cila gjithashtu ka punuar kohëve e fundit në restorantin “Fontana”. Ekipi mbështetet në «një kuzhinë ambicioze me produkte të freskëta rajonalë dhe makarona shtëpiake».
Restoranti në Allenwinden nuk kishte funksionuar që nga janari.