Në fitoren e Borussia Dortmundit 3:1 kundër RB Leipzig, Erling Haaland shënoi dy herë, duke festuar golat e tij me „shqiponjën e dyfishtë“. Këtë e bëri për Axel Witsel. Ja përse!
Pas gjysmë ore futbollsiti belg Axel Witsel kishte rënë në tokë pa ndonjë ndërhyrje nga jashtë dhe nuk ishte në gjendje të ngrihej përsëri. Edhe pushimi i trajtimit nuk ndryshoi asgjë. I mbështetur nga përkujdesësit, ylli 31-vjeçar i BVB çaloi jashtë fushës dhe u zëvendësua nga Emre Can. Gjithçka po jepte shenja për një lëndim të rëndë.
Dhe kjo u konfirmua pas ndeshjes në „Sky“ nga trajneri Edin Terziq. „Bëhet fjalë për faktin se ai e ndjeu pak thembrën e Akilit“, tha trajneri i përkohshëm i BVB, informon Shtegu.com. Një diagnozë e saktë është ende në pritje. „Shpresojmë të marrim informacion sa më shpejt të jetë e mundur dhe se nuk do të zgjasë kaq shumë“, vazhdoi Terziq.
ëitsel u ul në dysheme pa ndonjë arsye të dukshme pas një pasimi nga shoku i tij i skuadrës Thomas Delaney. Përkujdesësit kishin trajtuar kaviljen e majtë të lojtarit të ekipit belg. Nëse diagnoza është në të vërtetë e saktë, motori i mesfushës përballet me një pushim lëndimi njëmujor.
Haaland bën „shqiponjën dykrenare“
Përderisa ishte ende në fushë, Erling Haaland ia kishte kushtuar dy golat shokut të tij të skuadrës, duke festuar golat në stilin e 31-vjeçarit me gjestin e „shqiponjës dykrenare“. „Sot kemi luajtur për Axel Witselin. I uroj shërim të shpejtë“, tha norvegjezi pas ndeshjes.
Festimi me „Shqiponjën dykrenare“ u shfaq në Kupën e Botës 2018 në ndeshjen midis Zvicrës dhe Serbisë nga lojtarët e kombëtares zvicerane, Granit Xhaka dhe Xherdan Shaqiri. Të dy kanë rrënjë shqiptare.
Por jo edhe Witseli. Përse belgu e festoi golin me këtë gjest, ai zbuloi një herë në stacionin televiziv të klubit Zenit St. Petersburg, ku mesfushori luajti midis 2012 dhe 2017. „Fillova të festoj sepse babai im ishte një tifoz i madh i ekipit kombëtar francez. Sulmuesi Nicolas Anelka e festoi në të njëjtën mënyrë. Supozohet se përfaqëson një zog që fluturon dhe rritet. Ashtu siç vazhdoj të rritem“, kishte shpjeguar Witsel.
