Fotografit të „Guardian“ në Maqedoni, i bie celulari në tokë

12:09:17             2016-02-10

Para pak kohësh, pronarëve të IPhoneve u ka hyrë frika në palcë, pasi defekti 53 do të mund t`ua bëjë celularët e tyre të papërdorshëm. Kjo frikë është përhapur nga një artikull i gazetës britanike „Guardian“, njofton „Shtegu.com“.

Rasti ka të bëjë me fotografin e pavarur britanik, Antonio Olmos, celulari i të cilit nuk kishte nxjerrë tingull, pasi i ishte paraqitur defekti 53.

Para disa javësh, ai kishte shkuar në Maqedoni, me autorizimin e „Guardian“, ndërsa atje celulari i kishte rënë përtokë. Riparimin e ekranit dhe butonit kryesor, ai e kishte dërguar ta bëjë në një punëtori lokale, me të cilën ai mbeti plotësisht i kënaqur, duke e përdorur celularin përsëri në mënyrë të zakonshme. Disa javë më pas, pasi kishte kryer një iOS-Update, defekti i mëparshëm ishte paraqitur sërish.

Pasi nuk kishte ditur kujt t`i drejtohej më, ai shkon në një shitore Apple Store për këshillë, ndërsa atje i kishin dhënë përgjigjen tmerruese: Bashkëpunëtorët i kishin treguar se edhe ata nuk mund t`i ndihmojnë. Shansi i vetëm i tij është zëvendësimi i plotë i aparatit, ndërsa shpenzimet janë rreth 350 euro.